முட்டை உடலுக்கு மிகவும் சத்தான உணவு. ஒரு முட்டையில் 80 கலோரிகள் உள்ளன. ஒரு நாளைக்கு ஒரு முட்டையாவது சாப்பிடுங்கள். அந்த அளவு சத்தான முட்டையை பொரியல், ஆம்லெட்டாக சாப்பிடுவோம். இன்று கொஞ்சம் வித்தியாசமாக குழம்பு செய்து சாப்பிடுவோம!!!
தேவையான பொருட்கள்:
முட்டை -3
பெரிய வெங்காயம் – 1
தக்காளி – 1
தேங்காய் துருவல் – 1/2 மூடி
சீரகம் மிளகுத் தூள் – 1 ஸ்பூன்
மிளகாய் தூள் – 1 ஸ்பூன்
மல்லி தூள் – 1/2 ஸ்பூன்
கரம் மசாலா – 1/2 ஸ்பூன்
உப்பு – தேவையான அளவு
எண்ணெய் – தேவையான அளவு
சோம்பு – 1 டீஸ்பூன்
மஞசள் தூள் – 1/4 டீஸ்பூன்
செய்முறை:
முதலில் ஒரு பாத்திரத்தில் முட்டையை உடைத்து அதனுடன் சீரகத் தூள், மிளகுத் தூள், உப்பு சேர்த்து நன்கு அடித்துக் கொள்ளவும்.
பிறகு இட்லி தட்டில் அடித்து வைத்துள்ள முட்டையை ஊற்றி 10 நிமிடம் கொதிக்க விடவும்.
பிறகு வேகவைத்த முட்டையை எடுத்து நான்கு துண்டுகளாக நறுக்கி தனியாக வைக்கவும். பிறகு கடாயில் எண்ணெய் ஊற்றி சோம்பு, பொடியாக நறுக்கிய வெங்காயம், தக்காளி சேர்த்து நன்கு வதக்கவும்.
பிறகு மிளகாய் தூள், மல்லி தூள், சீரகம், மிளகு தூள், மஞ்சள் தூள், கரம் மசாலா சேர்த்து தேவையான அளவு உப்பு சேர்த்து கலக்கவும். துருவிய தேங்காய் சேர்க்கவும்.
பின் அதில் வேகவைத்த முட்டை துண்டுகளை போட்டு சிறிது நேரம் கொதிக்க வைக்கவும். சுவையான முட்டை குருமா தயார்.
