வெண்டைக்காய் வறுவல் செய்வது எப்படி?

மதிய உணவிற்கு என்ன சைட் டிஷ் செய்வது என்று யோசிக்கிறீர்களா? உங்கள் வீட்டில் வெண்டைக்காய் இருக்கிறதா? ஆனால் வெண்டைக்காய் செய்தால் வீட்டில் யாரும் சாப்பிடமாட்டார்களா? அவர்களை வெண்டைக்காய் சாப்பிட வைக்க வேண்டுமா?

இந்த வெண்டைக்காய் பொரியல், சாம்பார் சாதம், ரசம் சாதம், தயிர் சாதம் ஆகியவற்றுக்கு ஒரு சிறந்த சைட் டிஷ் ஆகும். மேலும் இது மிகவும் எளிதானது. முக்கியமாக குழந்தைகள் கேட்கவும் சாப்பிடவும் சுவையாக இருக்கும்.

இந்த வெண்டைக்காய் வறுவல் எப்படி செய்வது என்று தெரிந்து கொள்ள வேண்டுமா? வெண்டைக்காய் வறுவல் செய்முறைக்கான எளிய செய்முறை கீழே உள்ளது. படித்து சுவைத்து உங்கள் கருத்துக்களை எங்களுடன் பகிர்ந்து கொள்ளுங்கள்.

தேவையான பொருட்கள்

வெண்டைக்காய் – 15

மஞ்சள் தூள் – 1/4 டீஸ்பூன்

கடலை மாவு – 1 டீஸ்பூன்

எண்ணெய் – 1 டேபிள் ஸ்பூன் + 1 டேபிள் ஸ்பூன்

பெரிய வெங்காயம் – 1 (மெல்லியதாக நறுக்கியது)

உப்பு – சுவைக்கேற்ப

மஞ்சள் தூள் – 1/4 டீஸ்பூன்

மிளகாய் தூள் – 3/4 டீஸ்பூன்

மல்லித் தூள் – 1 டீஸ்பூன்

தண்ணீர் – 1 டேபிள் ஸ்பூன்

செய்முறை:

முதலில் வெண்டைக்காயை நன்கு நீரில் கழுவி, அதை துடைத்துவிட்டு, மெல்லிய சிறு நீளத் துண்டுகளாக வெட்டிக் கொள்ள வேண்டும்.

பின் நறுக்கிய அந்த வெண்டைக்காயுடன் மஞ்சள் தூள், கடலை மாவு சேர்த்து பிரட்டிக் கொள்ள வேண்டும்.

பின்பு ஒரு வாணலியை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி சூடானதும், இந்த வெண்டைக்காயை கொஞ்சம் கொஞ்சமாக சேர்த்து ப்ரை செய்து ஒரு தட்டில் எடுத்து வைத்துக் கொள்ள வேண்டும்.

பிறகு அதே வாணலியில் 1 டேபிள் ஸ்பூன் எண்ணெய் ஊற்றி சூடானதும், பொடியாக நறுக்கிய வெங்காயத்தை சேர்த்து, சிறிது உப்பு சேர்த்து, பொன்னிறமாக வதக்க வேண்டும்.

பின் அதில் மஞ்சள் தூள், மிளகாய் தூள், மல்லித் தூள் சேர்த்து 1 நிமிடம் குறைவான தீயில் வைத்து வதக்கி, 1 டேபிள் ஸ்பூன் நீரை ஊற்றி, பச்சை வாசனை போக வதக்க வேண்டும்.

பின்னர் அதில் ப்ரை செய்து வைத்துள்ள வெண்டைக்காயை சேர்த்து நன்கு ஒருசேர வதக்கி இறக்கினால், சுவையான வெண்டைக்காய் ப்ரை தயார்.