வீட்டில் தோசை செய்ய திட்டமிடுகிறீர்களா? ஆனால் அதற்கு சைட் டிஷ் செய்ய பிடிக்கவில்லையா? எனவே உங்கள் வீட்டில் முட்டை இருக்கிறதா? அந்த முட்டையில் முட்டை தோசை செய்து சுவையாக சாப்பிடலாம். இந்த முட்டை தோசையை இரண்டு விதமாக செய்யலாம். இரண்டுக்கும் சைட் டிஷ் தேவையில்லை.

முட்டை தோசையின் இரண்டு வகைகளை தெரிந்து கொள்ள வேண்டுமா? கீழே இரண்டு வகையான முட்டை தோசைகள் உள்ளன. நீங்கள் விரும்பியபடி சாப்பிட்டு உங்கள் கருத்துக்களை எங்களுடன் பகிர்ந்து கொள்ளுங்கள்.

தேவையான பொருட்கள்

வெரைட்டி – 1

தோசை மாவு

முட்டை – 4

வெங்காயம் – 1/2 கப் (பொடியாக நறுக்கியது)

பச்சை மிளகாய் – 2

தக்காளி – 1/4 கப் (பொடியாக நறுக்கியது)

உப்பு – சுவைக்கேற்ப

மிளகுத் தூள் – சுவைக்கேற்ப

எண்ணெய் – தேவையான அளவு

வெரைட்டி – 2

தோசை மாவு – 2 கப்

முட்டை – 3

பெரிய வெங்காயம் – 1 (பொடியாக நறுக்கியது)

உப்பு – சுவைக்கேற்ப

மிளகுத் தூள் – சுவைக்கேற்ப

எண்ணெய் – தேவையான அளவு

செய்முறை

முட்டை தோசை செய்வது எப்படி:

தோசை செய்வதற்கு முந்தைய நாள் ஒரு bowl ல் இட்லி அரிசி மற்றும் புழுங்கல் அரிசியை நன்கு கழுவி போட்டு அதில் தேவையான அளவு தண்ணீர் ஊற்றி அதை சுமார் 3 மணி நேரம் வரை ஊற விடவும்.

மற்றொரு bowl ல் உளுத்தம் பருப்பு, வெந்தயம், மற்றும் அரை மேஜைக்கரண்டி அளவு கடலை பருப்பையும் சேர்த்து அதில் தேவையான அளவு தண்ணீர் ஊற்றி அதையும் சுமார் 3 மணி நேரம் வரை ஊற விடவும்.

3 மணி நேரத்திற்கு பிறகு நாம் ஊற வைத்திருக்கும் அரிசியை எடுத்து கிரைண்டரில் போட்டு அதை சிறிது அரைத்த பின் அதனுடன் நாம் ஊற வைத்திருக்கும் உளுத்தம் பருப்பை போட்டு அரைக்கவும்.

பின்பு அதில் தேவையான அளவு உப்பு சேர்த்து ஒரு கரண்டியின் மூலம் நன்கு கலக்கி அதை சுமார் 8 மணி நேரம் வரை room temperature யில் புளிக்க விடவும். தோசை மாவு தயார்.

வெரைட்டி- 1

முதலில் ஒரு பௌலில் முட்டைகளை உடைத்து ஊற்றி, அதில் உப்பு, மிளகுத் தூள், வெங்காயம், தக்காளி, பச்சை மிளகாய் சேர்த்து நன்கு கலந்து கொள்ள வேண்டும்.

இப்பொழுது தோசைக்கல்லை மிதமான சூட்டில் அடுப்பில் வைத்து அதில் ஒரு மேஜைக்கரண்டி அளவு எண்ணெய் ஊற்றி ஒரு பெரிய வெங்காயத்தை பாதியாக நறுக்கி அதை கல்லில் வைத்து நன்கு தேய்த்து கல்லை சுட விடவும்.

தோசைக்கல் சுட்ட பின் அதில் நாம் அரைத்து வைத்திருக்கும் தோசை மாவை ஒரு கரண்டியின் மூலம் ஊற்றி அதை சுற்றி தேவையான அளவு நெய் அல்லது எண்ணெய்யை ஊற்றவும். அதன் மேல் இந்த முட்டை கலவையை ஊற்றி பரப்பி, எண்ணெய் ஊற்றி, முன்னும், பின்னும் வேக வைத்து எடுத்தால், முட்டை தோசை தயார்.

வெரைட்டி – 2

முதலில் ஒரு பௌலில் முட்டைகளை உடைத்து ஊற்றி, அதில் வெங்காயத்தைப் போட்டு நன்கு கலந்து கொள்ள வேண்டும்.

இப்பொழுது தோசைக்கல்லை மிதமான சூட்டில் அடுப்பில் வைத்து அதில் ஒரு மேஜைக்கரண்டி அளவு எண்ணெய் ஊற்றி ஒரு பெரிய வெங்காயத்தை பாதியாக நறுக்கி அதை கல்லில் வைத்து நன்கு தேய்த்து கல்லை சுட விடவும்.

தோசைக்கல் சுட்ட பின் அதில் நாம் அரைத்து வைத்திருக்கும் தோசை மாவை ஒரு கரண்டியின் மூலம் ஊற்றி அதை சுற்றி தேவையான அளவு நெய் அல்லது எண்ணெய்யை ஊற்றவும். அதன் மேல் கலந்து வைத்துள்ள முட்டையை பாதி ஊற்றி பரப்பி, மேலே சிறிது உப்பு மற்றும் மிளகுத் தூள் தூவி, எண்ணெய் ஊற்றி, முன்னும் பின்னும் வேக வைத்து எடுத்தால், சுவையான முட்டை தோசை தயார்.

இதையும் செய்யலாம்!: அடை தோசை செய்வது எப்படி?