நமது ஆரோக்கியம் நாம் உண்ணும் உணவைப் பொறுத்தது. ஆம்! இந்த உணவு ஆரோக்கியமான உணவு.
தேவையானவை:
கேழ்வரகு மாவு – 200 கிராம்,
வெல்லம் – 100 கிராம்,
ஏலக்காய்த்தூள் – ஒரு டீஸ்பூன்,
அரிசி மாவு – 4 டீஸ்பூன்,
நெய் – ஒரு கப்
செய்முறை:
வெல்லத்தைப் சிறிய துண்டுளாக உடைத்து கொஞ்சம் தண்ணீர் விட்டுக் கரைத்து கொள்ளுங்கள், வெல்லத்தில் மண் இருக்கலாம் அதனால் நன்கு வடிகட்டிக்கொள்ளவும்.
வெல்ல தண்ணீருடன் கேழ்வரகு மாவுடன் சேர்க்கவும். இதனுடன் அரிசி மாவு, ஏலப்பொடி சேர்த்து தோசை மாவு பதத்தில் கரைத்துக் கொள்ளவும்.
வெல்ல தண்ணீருடன் மாவு சேர்வதால் கட்டி இல்லாமல் கலந்துகொள்ளவும். அதன் பின் தோசைக்கல்லில் நெய் விட்டு, இந்த மாவை தோசையாக வார்த்து எடுக்கவும்.
குறிப்பு:
கேழ்வரகில் கார்போஹைட்ரேட்டும், வெல்லத்தில் இரும்புச்சத்தும் அதிகம் உள்ளன. இவை இரண்டுமே உடல் வளர்ச்சிக்குத் தேவையானவை. தொட்டுச் சாப்பிட ஏதும் தேவை இல்லை.