இன்றைய சூழலில் ஒவ்வொருவரும் தங்களின் நிதித் தேவைகளை நிறைவேற்றிக் கொள்ள இயந்திர உலகில் பயணிக்கின்றனர். நம் வாழ்வில் நோய் நொடி இல்லாமல், நம் ஆரோக்கியத்தைப் பற்றி கவலைப்படாமல், நமக்குப் பிடித்த பொருட்களை வாங்கி, மகிழ்ச்சியாக வாழ வேண்டும் என்பதற்காக உழைக்கிறோம்.
ஆம், குறிப்பாக ஆரோக்கியமான உணவை பின்பற்றுவதில்லை. புரோட்டோ, பீட்சா, பர்கர் போன்ற பிரபலமான மற்றும் ஆரோக்கியமற்ற உணவுகளை கடைகளில் அதிகம் சாப்பிடுகிறோம். இதனால், அதிக விலை கொடுத்து, சுகாதார சீர்கேடுகளை சந்திக்கிறோம்.
ஒருபுறம், சிலர் இந்த விளைவைத் தவிர்க்க சிறு தானியங்களில் ஆர்வம் காட்டுகிறார்கள். சிறுதானியக் கடைகளும் ஆங்காங்கே பெருகி வருகின்றன. இந்தச் சூழலில் நீங்கள் இன்னும் ஆரோக்கியமாக இருக்க விரும்பினால், சிறு தானியங்களைக் கொண்டு தயாரிக்கப்படும் சில உணவுப் பொருட்களை உங்கள் வாடிக்கையில் சேர்த்துக்கொள்ளுங்கள்.
இன்று சிறு தானியங்களில் தோசை செய்வது எப்படி? என்பதை பற்றி அறிந்து கொள்ளுங்கள்.
சிறுதானிய தோசை:
கம்பு, சோளம், கேழ்வரகு, தினை, வரகு, குதிரைவாலி போன்ற எண்ணற்ற சிறுதானியங்கள் உள்ளது. இவற்றில் ஏதையாவது ஒன்றை வைத்து நீங்கள் உங்களது வீட்டிலேயே சிறு தானிய தோசை செய்ய முடியும்.
தேவையானப் பொருட்கள்
சிறுதானியங்களில் ஏதாவது ஒன்று – 1 கப்
அரிசி – 2 கப்
உளுந்து – அரைகப்
சீரகம்- 1 டீஸ்பூன்
கறிவேப்பிலை – சிறிதளவு
எண்ணெய் அல்லது நெய் – தேவையான அளவு
செய்முறை
சிறுதானிய தோசை செய்வதற்கு முதலில் 2 கப் அரிசி, வரகு அல்லது, கேப்பை போன்ற சிறுதானியம் 1 கப், உளுந்து அரை கப் போன்றவற்றை எடுத்துக் கொள்ளவும்.
பின்னர் ஒரு பாத்திரத்தில் தண்ணீர் சுமார் 2 மணி நேரத்திற்கு மேலாக ஊறவைத்துக் கொள்ளவும்.
இதையடுத்து கிரைண்டர் அல்லது மிக்ஸியில் நன்கு மாவு பதத்திற்க அரைத்துக் கொள்ளவும். தேவையான அளவு உப்பு சேர்த்து கொஞ்சம் புளிக்க வைத்தால் போது சிறுதானிய தோசை மாவு ரெடி.
மாவு புளித்து வந்ததும், தோசைக்கல்லை அடுப்பில் வைத்து வழக்கம் போல் தோசை மாவு போன்று ஊற்றி எண்ணெய் ஊற்றி எடுத்தால் போதும். சுவையான சிறுதானிய தோசை ரெடி. ஒருவேளை நீங்கள் மாவு அரைக்கவில்லையென்றால், சிறுதானிய மாவை கலந்தும் சுடலாம்.
குறிப்பு – ஒரு சிறுதானியத்தை மட்டும் வைத்துத் தான் தோசை செய்ய வேண்டும் என்பதில்லை. நவதானியங்களை அனைத்தும் மாவாக அரைத்து வழக்கமான தோசை மாவுடனும் கலந்தும் சுடலாம்.
