நாம் அனைவரும் குஸ்காவை விரும்புவோம். அசைவ பிரியர்கள் கூட இந்த குஸ்காவை விரும்பி சாப்பிடுவார்கள்.
குழந்தைகள் முதல் பெரியவர்கள் வரை அனைவரும் விரும்பி சாப்பிடும் White Rice குஸ்காவை வீட்டிலேயே செய்யலாம்.
அந்த வகையில் இன்று இந்த ரெசிபி பதிவின் மூலம் பிரியாணியின் சுவையுடன் வெள்ளை குஸ்கா செய்வது எப்படி என்று தெரிந்து கொள்ளலாம்..!
தேவையான பொருட்கள்:
அரிசி – 300 கிராம்
தக்காளி – 2
பெரிய வெங்காயம் – 3
பச்சை மிளகாய் – 5
நெய் – 2 ஸ்பூன்
இஞ்சி பூண்டு விழுது – 2 ஸ்பூன்
புதினா – 1 கைப்பிடி அளவு
கொத்தமல்லி – 3 கொத்து
கறிவேப்பில்லை – 1 கொத்து
பட்டை – 2
கிராம்பு – 2
ஏலக்காய் – 2
லவங்கம் – 2
தண்ணீர் – தேவையான அளவு
எண்ணெய் – தேவையான அளவு
உப்பு – தேவையான அளவு
எலுமிச்சை சாறு – 1 ஸ்பூன்
செய்முறை:
முதலில் வெங்காயம், தக்காளி, பச்சை மிளகாய், கொத்தமல்லி, புதினா ஆகியவற்றை பொடி பொடியாக நறுக்கவும்.
முதலில் குஸ்காவை செய்ய தேவையான அளவு பாத்திரத்தை அடுப்பில் வைக்கவும்.
பிறகு அதில் தேவையான அளவு எண்ணெய் ஊற்றவும். எண்ணெய் சூடானதும் பட்டை, கிராம்பு, இலவங்கப்பட்டை மற்றும் பொடியாக நறுக்கிய வெங்காயம், பச்சை மிளகாய் சேர்த்து நன்கு வதக்கவும்.
வெங்காயம் பொன்னிறமானதும் கறிவேப்பிலை, புதினா சேர்த்து நன்கு வதக்கவும்.
அடுத்து நறுக்கிய தக்காளியைச் சேர்த்து நன்கு வதக்கவும். தக்காளியின் பச்சை வாசனை போகும் வரை நன்றாக வதக்கவும்.
வெங்காயம், தக்காளி நன்கு வதங்கிய பின் 2 ஸ்பூன் இஞ்சி பூண்டு விழுது சேர்த்து நன்கு வதக்கவும்.
பிறகு தேவையான அளவு தண்ணீர் சேர்க்கவும்.
அடுத்து நாம் அரிசி அளவிடும் கிளாஸில் அதே அளவில் தண்ணீர் சேர்க்க வேண்டும்.
அதாவது, 1 கிளாஸ் அரிசியை எடுத்துக் கொண்டால், அதே கிளாஸில் 2 முறை தண்ணீர் சேர்க்கவும்.
அரிசியைக் கழுவி 10 நிமிடம் நன்கு ஊற வைக்கவும்.
தண்ணீர் சேர்த்த பிறகு தேவையான அளவு உப்பு சேர்த்து அதனுடன் 2 ஸ்பூன் எலுமிச்சை சாறு சேர்த்து நன்கு கொதிக்க விடவும்.
தண்ணீர் நன்றாகக் கொதித்ததும் ஊறவைத்த அரிசியைச் சேர்க்கவும். பின்னர் கடாயை 10 நிமிடங்கள் மூடி வைக்கவும்.
10 நிமிடங்களுக்குப் பிறகு, தண்ணீர் நன்கு வற்றியபின், நன்கு கிளறவும்.
பிறகு அடுப்பை குறைத்து 10 முதல் 15 நிமிடங்கள் மூடி வைக்கவும். பிறகு அதில் நெய் மற்றும் கொத்தமல்லி சேர்க்கவும்.
அவ்வளவு தான்!! இந்த சுவையுடன் உங்கள் வீட்டிலேயே வெள்ளை குஸ்காவை செய்து பாருங்கள்.