நண்டு என்றாலே அது செட்டிநாடு வகையில் செய்வதுதான் அனைவருக்கும் பிடிக்கும். அந்த வகையில் நாம் இன்று Stuffed Crab Delight செய்வது எப்படி என்று பார்ப்போம்.
தேவையான பொருள்கள் :
நண்டு -6
வெங்காயம் வெட்டியது -3 மேஜைக்கரண்டி
சீரகம் -1 தேக்கரண்டி
இஞ்சி , பூண்டு -1/2 தேக்கரண்டி மசித்தது
முருங்கையிலை – சிறிது
செய்முறை :
வெந்நீரில் நண்டை சிறிது நேரம் போட்டு வைக்கவும். நண்டை எடுத்து கால் மற்றும் கொடுக்குகளை ஒடித்து தனியே உடம்பு பகுதி கால் கொடுக்குகளின் உள்ளே உள்ள கறியை தனியே எடுத்து உதிர்த்து கொள்ளவும்.
நண்டின் ஓட்டில் உடம்பு பகுதியை தனியே எடுத்து பத்திரப்படுத்திக் கொள்ளவும்.
செட்டிநாடு ரெசிபியானா Stuffed Crab Delight எப்படி செய்வது?
உதிர்த்து வைத்திருக்கும் நண்டை தனியே உப்பு சேர்த்து புரட்டவும். வாணலியில் சிறிது எண்ணெய் விட்டு காய்ந்ததும் சீரகம், வெங்காயம், முருங்கையிலை, மிளகாய் சேர்த்து வதக்கவும்.
பின் மசித்த இஞ்சி, பூண்டு உதிர்த்த நண்டையும் சேர்க்கவும். தண்ணீர் சத்து வற்றும் வரை அடுப்பில் வைத்திருந்து எடுக்கவும். இந்த நண்டு புட்டை எடுத்து நண்டு ஓட்டில் அடைக்கவும்.
நண்டு ஓட்டின் பின் பகுதியை முட்டையில் தேய்த்து ரஸ்க்தூளில் புரட்டி எடுத்து பெரிய தட்டில் எடுத்து வைக்கவும்.
காய்கறிகளை அழகாக அடுக்கி நடுவே நண்டை வைத்து பரிமாறவும்.
Leave a Reply