நாவிற்கு சுவையான வெங்காய சப்ஜி செய்வது எப்படி?

விருந்துகளுக்கு வரும்போது, ​​நம்மில் பலர் வித்தியாசமாக ஏதாவது செய்து விருந்தினர்களை ஆச்சரியப்படுத்த விரும்புகிறோம். எனவே இன்று இங்கு நாம் காணவிருப்பது வெஜிடபிள் சப்ஜி என்ற வித்தியாசமான சைட் டிஷ்.

வெங்காய சப்ஜி தயாரிக்க நாம் பயன்படுத்தும் வெங்காயத்தில் நார்ச்சத்து, புரதம், நீர் மற்றும் கார்போஹைட்ரேட் உள்ளது. அவை இதய ஆரோக்கியத்தை மேம்படுத்தவும், இரத்த சர்க்கரை அளவைக் கட்டுப்படுத்தவும், எலும்பு வலிமையை அதிகரிக்கவும் உதவுகின்றன.

இதில் நாம் பயன்படுத்தும் தக்காளியில் பொட்டாசியம், கால்சியம், மெக்னீசியம், வைட்டமின் சி மற்றும் கே ஆகியவை உள்ளன.இவை இதய ஆரோக்கியத்தை மேம்படுத்துவதோடு புற்றுநோய் அபாயத்தையும் குறைக்கும்.

இதில் நாம் சேர்க்கும் பூண்டில் புரதம், மாங்கனீஸ், வைட்டமின் சி மற்றும் பி6 உள்ளது. இவை இரத்த அழுத்தம் மற்றும் கொலஸ்ட்ராலை கட்டுக்குள் வைத்திருக்க உதவும்.

தேவையான பொருட்கள்

1/2 cup தயிர்

2 பெரிய வெங்காயம்

24 சின்ன வெங்காயம்

2 தக்காளி

3 பச்சை மிளகாய்

7 பல் பூண்டு

1 சிறு துண்டு இஞ்சி

1/2 tsp மஞ்சள் தூள்

2 tsp காஷ்மீர் மிளகாய் தூள்

2 tsp மல்லி தூள்

1 tsp சீரகம்

1/2 tsp கருஞ்சீரகம்

1 tsp பெருஞ்சீரகம்

1 tsp கரம் மசாலா

1/2 tsp பெருங்காய தூள்

1 tsp கசூரி மேத்தி

1 tsp உப்பு

தேவையான அளவு கொத்தமல்லி

தேவையான அளவு எண்ணெய்

தேவையான அளவு தண்ணீர்

செய்முறை

முதலில் வெங்காயம், தக்காளி, பச்சை மிளகாய், பூண்டு, இஞ்சி, மற்றும் கொத்தமல்லியை நறுக்கி வைத்துக் கொள்ளவும்.

இப்பொழுது ஒரு மிக்ஸி ஜாரை எடுத்து அதில் நாம் நறுக்கி வைத்திருக்கும் தக்காளி மற்றும் பூண்டை சேர்த்து அதை நன்கு அரைத்து எடுத்து ஒரு கிண்ணத்தில் வைத்துக் கொள்ளவும்.

அடுத்து ஒரு pan னை மிதமான சூட்டில் அடுப்பில் வைத்து அதில் சுமார் 1 tsp அளவு எண்ணெய் ஊற்றி அதை சுட வைக்கவும்.

எண்ணெய் சூடானதும் அதில் நாம் கிராஸ் இட்டு வைத்திருக்கும் முழு சின்ன வெங்காயங்களை போட்டு வெங்காயம் சற்று பொன்னிறமாகும் வரை அதை வதக்கி எடுத்து ஒரு தட்டில் வைத்துக் கொள்ளவும்.

பின்பு அதே pan ல் மிதமான சூட்டில் அடுப்பில் வைத்து அதில் சுமார் 1 tsp அளவு எண்ணெய் ஊற்றி அதை சுட வைக்கவும்.

எண்ணெய் சூடானதும் அதில் சீரகம், சோம்பு, கருஞ்சீரகம், பெருங்காயம், மற்றும் நாம் நறுக்கி வைத்திருக்கும் பெரிய வெங்காயத்தை சேர்த்து வெங்காயம் சற்று நிறம் மாறும் வரை அதை வதக்கவும்.

வெங்காயம் சற்று நிறம் மாறியதும் அதில் நாம் நறுக்கி வைத்திருக்கும் இஞ்சி மற்றும் பச்சை மிளகாய் சேர்த்து வெங்காயம் பொன்னிறமாகும் வரை அதை வதக்கவும்.

வெங்காயம் பொன்னிறமானதும் அதில் மஞ்சள் தூள், காஷ்மீர் மிளகாய் தூள், மல்லி தூள், மற்றும் உப்பு சேர்த்து அதை நன்கு கிளறி விடவும்.

பின்பு அதில் கொஞ்சம் தண்ணீர் சேர்த்து நன்கு கிளறி விட்டு மசாலாவில் இருந்து எண்ணெய் பிரிந்து வரும் வரை அதை வதக்கவும்.

எண்ணெய் பிரிந்ததும் அதில் நாம் அரைத்து வைத்திருக்கும் தக்காளியை சேர்த்து நன்கு கிளறி விட்டு அதில் இருக்கும் தண்ணீர் சற்று வற்றும் வரை அதை வதக்கவும்.

தண்ணீர் சற்று வற்றிய பின் அதில் நன்கு அடித்த தயிரை சேர்த்து அதை கிளறி விடவும்.

அடுத்து அதில் கொஞ்சம் தண்ணீர் சேர்த்து நன்கு கிளறி விட்டு மசாலாவில் இருந்து எண்ணெய் பிரிந்து வரும் வரை அதை வதக்கவும்.

எண்ணெய் பிரிந்து வந்ததும் அதில் மூடி போட்டு சுமார் ஐந்து நிமிடம் வரை வேக விடவும்.

ஐந்து நிமிடம் கழித்து மூடியை திறந்து அதில் கரம் மசாலா மற்றும் கசூரி மேத்தியை சேர்த்து அதை நன்கு கிளறி விடவும்.

பின்பு அதில் நாம் வறுத்து எடுத்து வைத்திருக்கும் சின்ன வெங்காயத்தை சேர்த்து நன்கு கிளறி விடவும்.

அடுத்து அதில் 1 cup அளவு தண்ணீர் சேர்த்து நன்கு கிளறி விட்டு ஒரு மூடி போட்டு சுமார் 20 நிமிடம் வரை அதை வேக விடவும்.

20 நிமிடத்திற்க்குப் பிறகு மூடியை திறந்து அதை ஒரு கிளறு கிளறி அடுப்பை அணைக்கவும்.

அவ்வளவுதான் உங்கள் அட்டகாசமான வெங்காய சப்ஜி ரெடி. இதை உங்கள் குடும்பத்தாருடன் சேர்ந்து சுவைத்து மகிழுங்கள்.